2024 оны 3-р сарын 15-ны өдөр МАЗХ-ны Зөвлөлдөх хорооны 2024 оны анхны хурал болж өндөрлөлөө. Нийт 51 гишүүнээс 32 гишүүн оролцож, 62,7%-ийн ирцтэйгээр хуралдлаа.
Монголын авто замчдын холбооны Ерөнхийлөгч З.Батбаяр 2023-2024 оны ажлын тайлан болон 2023 оны сүүлийн хагас жилийн санхүүгийн тайланг зөвлөлдөх хороонд танилцууллаа.
Хяналтын зөвлөл
“Монголын Авто замчдын холбооны дүрэм”-ийн
6.3.5. Хяналтын зөвлөлийн мэдээллийг сонсож, зөвлөмж гаргах;
9.2. Хяналтын зөвлөл нь МАЗХ-ны дүрэм, үйл ажиллагаа, хөрөнгө, санхүүгийн зарцуулалтанд хяналт тавина;
9.6. Хяналтын зөвлөл дүгнэлт гаргаж илэрсэн дутагдлыг тухай бүр Зөвлөлдөх хороонд танилцуулж шаардлагатай арга хэмжээ авахуулна;
хэмээн заасны дагуу Хяналтын зөвлөл ажилласны дагуу, хяналтын зөвлөлийн гишүүн С.Ганхуяг дүгнэлтээ танилцуулав.
Зөвлөлдөх хорооны хурлаар:
- МАЗХ-ны 2024 оны ажлын төлөвлөгөө болон төсвийг баталлаа.
- Гишүүнчлэлийн татварыг шинэчлэн тогтоов.
- Хэлэлцэх асуудлын дагуу шийдвэрүүд гарлаа.
