Монголын авто замчдын холбооноос гишүүн байгууллагуудын нийт 32 хүний бүрэлдэхүүнтэй багийн хамт БНХАУ-ын Шанхай хотноо 2024 оны 11-р сарын 26-29-ний өдрүүдэд Shanghai international new expo center-т зохион байгуулагдсан BAUMA CHINA 2024 үзэсгэлэнд оролцлоо.

BAUMA CHINA бол Шанхай хотод хоёр жил тутамд болдог барилгын машин, механизм, уул уурхайн машин, механизм, барилгын тээврийн хэрэгслийн олон улсын үзэсгэлэн бөгөөд Хятад болон Азийн бүх барилга, барилгын материалын машин үйлдвэрлэлийн салбарын тэргүүлэгч үзэсгэлэн гэдгээрээ өндөр ач холбогдолтой байдаг. Уг үзэсгэлэнд нийт 32 улсын 3542 оролцогч /exhibitors/, 188 орны 281,488 сонирхогч /visitors/ хүрэлцэн ирж 330,000м2 талбайд үзэсгэлэнг зохион байгуулжээ.

МАЗХ-с уг үзэсгэлэнд оролцох хүмүүсийг бүртгэж, 11-р сарын 25-30ны өдрүүдэд Шанхай хотноо үзэсгэлэн, аяллыг амжилттай зохион байгууллаа. Үзэсгэлэнд Баткубик ХХК, ЗЗБ ХХК, Хулжийн голын зам ХХК, Билэгт зам ХХК, Хэт сервис ХХК, Эвт уул ХХК, Эрхэм нөхөр ХХК, Ростов ХХК, Эрдэнэт суварга ХХК, Тү би спийд инженеринг ХХК, Ар Кү Эс Эл чанар ХХК-ийн төлөөллүүд оролцлоо.