Удахгүй Мэргэшсэн инженерийн зэрэг сунгах, Зөвлөх инженер зэрэг горилох, сунгах, Мэргэшсэн төсөвчний зэрэг горилох, сунгах зэрэг сургалтууд зохион байгуулагдана.
Сургалт арга зүйн зөвлөлөөр дээрх сургалтад бүртгүүлсэн хүмүүсийн материал шалгагдан шаардлага хангасан инженерүүдийн нэрсийг mra.mn сайт дээр гаргах болно.
Өнгөрсөн Сургалт арга зүйн зөвлөлийн хурлаар мэргэшсэн инженерийн зэрэг сунгах сургалтад хамрагдахаар материалаа ирүүлсэн инженерүүдээс өөрийн сонгож авсан сэдвээрээ хийсэн бүтээлээ ирүүлээгүй хүмүүсийг оруулахгүй байхаар шийдвэрлэсэн.
Дараагийн хурлыг ойрын үед хийх бөгөөд тус хурлаар бусад сургалтын материалуудыг хэлэлцэх болно.
Мэргэшсэн инженерийн зэргээ хугацаагүй авсан инженерүүд “Зөвлөх инженерийн зэрэг горилох сургалт”-д хамрагдах боломжтой. Гэхдээ бүтээлтэй байхыг анхааруулж байна.
Монголын авто замчдын холбооноос сургалтын чанарыг сайжруулж, хүндрэл багатай байлгах үүднээс сургалтын цахим бүртгэлийг эхлүүлээд байгаа юм.
Тус бүртгэлийн онцлог нь инженерүүд нэг удаа л бүртгүүлнэ. Дараа нь өөр сургалтад хамрагдах бол шаардлагатай нэмэлт материалыг л ирүүлнэ. Бусад материал нь хадгалагдсан байна. Инженер бүр өөрийн нэвтрэх нэр, нууц үгээр тус цахим бүртгэлд нэвтэрч сургалтуудад бүртгүүлэх боломжтой болж байгаа юм.
Олон дахин анкет бөглөх, олон удаа хувилах, хэвлэх, наториатаар батлуулах зэрэг үйлдлийг болиулж инженер болон байгууллагуудад хүндрэл учруулахгүй ажлыг хөнгөвчилж байгаа.
Мөн сургалтад хамрагдаж байгаа инженерүүд тус цахим бүргэлээрээ дамжин шалгалтаа өгч байх болно. Өөрөөр хэлбэл инженерүүдийн бүртгэл цогц болох юм.
Цахим бүртгэлд бүртгүүлэх зааврыг дэлгэрэнгүй байдлаар mra.mn сайт дээр оруулах болно.